صرخة نملة

عالم الحشرات __ في تونس 
صرخة نملة 
 
 يحكمو فيها الخنفوس والنحل و الورل والوزغ 
تصرخ النملة 
ما يسمعها حد 
لا الي في سابع السموات ولا الي تحت السابع أرض 
النمالة يلزمها تعيش 
وبش تعيش 
ما يلزمهاش تصرخ وتصيح 
ولا تمشي جنب الحيط وتقول أخطى راسي و أعفس 
النمالة بش تعيش ما طالبش في حقها في العيش والرغيف 
يلزمها تحفر نقبة في الأرض وتتخبى فيها 
النمالة بش تعيش 
وما تمشيش في العفس 
يلزم ترى وتشوف وما تتكلمش 
الأرض هذي موش أرضها 
الأرض يحكم فيها الوزغة والزرزومية 
يقسموها على شوية خنافيس وذبان 
والنحلة الليبيرالية 
النملة كي تمرض تبربص وتموت 
النملة إطشها بالماء تهرب 
تعفسها تموت ويموتو معاها ميا 
صحيح عدد النمال أكثر من عدد 
باقي الحشرات الحاكمة 
صحيح النمالة تخدم وتكد على قوتها 
على شوايا فتفات 
وما يلزمهاش تذوق من الحلويات 
صحيح النمالة بريئة وناس ملاح وزوالية 
لكن تبقى نمالة مهما عملت ومهما صاحت ما يسمعها حد
يقلولك شكونك انت ؟؟
مجرد نمالة 
نمالة تحب تخرج من حفرتها 
وكي تخرج تنجم تعيش في وسط الخير 
الخير والنعمة موجودين 
ويزازيو الناس الكل 
أما شنوة تنجم تعمل قدام الحشرات القوية والضارة 
صرختك ما تنفعش بش تعيش يا نمالة 
راك نمالة مهما شنوة عملت و صنعت 
القسمة مقسومة والخبزة كلاوها الصحاح 
والطحين مخزن ليهم برك 
يا نمالة صيييييح و هيج وبربص ههههه
ما يسمعك حد وما يراك حد 
صوتك ماعندك بيه وين توصل 
لم النمال الي كيفك وما تغوروش على بعضكم 
وشوفو أرض تصلح بش تنجمو تعيشو 
ديقة ديقة النمالة هيا الشباب على الدوام على 
مر العصور في بلدان العربان 
صيح يانمالة أصرخ وما يسمع بيك حد ......
هيا توة قوم أمسح دموعك ..... ما راك حد 
°°° حومة °°°

الطحين التونسي

Hymen National

وجيعة

وجيعة القلب وجيعة

وجيعة الروح وجيعة

وجيعة العقل وجيعة

ووجيعة المكتوب وجيعة ...مكتوب السروال ,,, ومكتوب المصير ... الي يقولو عليه

كل شي بالكتبة ,,, وما تاكل كان الي كتبلك,,, و إنت ومغرفتك شنوة هزت

فلقوني بها هالكلمة الأزلية ... مقدر ومكتوب

والي مكتوب على الجبين لازم تشوفو العين

وجيعة هذي يحس بيها الصغير والكبير والي يدبي عالحفير

آآآآآآآآآآآآآآآحيت مقوى وجيعتها

شكون ؟

الوحدة ... هاك الغول الي ينحرك ويفتك بيك نهار بعد نهار

هاك الي التقوم الصباح وتغزر للسقف تراه بش يطيح عليك

تغزر يمين و يسار ما تلقى حد بجنبك

كان مرضت تكسر راسك وتقوى عالمرض

وتقوم في ليلة ونهار تجيب كل شي بحذاك الدواء والماء

واماكلة ,,, تقوم بالسيف عليك ,,, لكن لازمك تقوم وحدك

على خاطر حتى حد ماهو بش يمدلك يدو ويقومك في كوخ فارغ ...من الأرواح

مانحبش نبان مغلوبة... ضعيفة ,,, ولا حد يشوفني ,,, يقول مسكينة يا ناري عليها ,,, كيفاش كانت وكيفاش ولات

____ نضحك ونضحك وكايني ضحكتي بالحق

وكايني موش محتاجة ضمة من حد ولا تعطف من حد

, مانحبش حد يشوف دموع في عينايا ... ما نحبش حد يرى ضعفي ولا قهرتي

نعدي أيامي ولياليا ,,, وحدي نخبي وجيعتي في جواجيا

هاك الصزت الي يجيني من البعيد يقلي

خبي حومة خبي ,,,,خبي حومة خبي

وما تشمت العباد فيك وفيا ,,,,,

أضحك حومة أضحك ,,,, أضحك حومة أضحك

,,,,,, وما تحط شي في بالك

غدوة تزهالك الأيام

وبالحب تعيش وبالحب نعيش

نعيش للحب الدنيا الي مهما قهرتني ... أنا نقهرها بالحب

اي نعم بالحب ,,,,, حب أهلي وإماليا مهما بعدو عليا ,,,,,, حب أحبابي و أصحابي الي حبوني ,,,, وخافو عليا

بحبكم نعيش بحبكم نعيش مهما بعدتو عليا

______ وهال وجيعة شنوة عملنا فيها ؟؟

بين ضلوعي نخبيها ,,,,,, لين ننساها

°°°°°°°°°°°°°° بنّة الحومة

....البنّة كي تتوجع يقوى حبها ويزيد

بنة الحومه باقي تحلم

Publié le 10 Octobre 2012 par بنة الحومة

الحقيقة بالنسبة لكم هي الاشياء التي تمسك باليد و ترى بالعين . و في الحقيقة ليس هناك يد و لا عين و لا شيئ يمسك و لا شيئ يرى.و من الخطا البين إذا اعتقدتم ان ما رايتموه في الاحلام حقائق مادية. يمكن للنائم في فراشه ان يحاكي عالم مادي حقيقي و يعيشه بتفاصيله الدقيقة ياكل و يشرب او يمكن ان يحلم انه جالس بجانب الحاسوب لكن في الاحلام فقط وليس لها اي مقابل مادي حقيقي .ولايدرك انه احلام الا بعد الاستيقاض و ل

ا يستطيع ان يجزم بانه يحلم فقط .او قد يحلم بانه يحلم.إذا كنا نعيش بسهولة في عالم خيالي في المنام .فالامر كذلك في الحياة التي نعيش فيها.و سبب اعتقادنا بان الحياة حقيقية و الاحلام خيال هو الحكم المسبق و المتداول لدينا. لا يوجد اي سبب منطقي يعوق فكرتنا ان نقول عند استيقاضنا من النوم هو دخول لمنام طويل نسميه الحياة الحقيقية .و كما هو الحال عند استيقاضنا من النوم

سنتتيقض يوما من هده الحياة التي نضن اننا نعيش فيها الان.

http://benitilhouma.overblog.com/

خبزيست

http://benitilhouma.overblog.com/507485df-d1c9

Publié le 9 Octobre 2012

أنا خبزيست و مانيش بش نتحزب هاني نتبع في الأحداث و التفرقة الي نرى فيها كل يوم تزيد نحس في روحي كي الجدة ... الي ترى في عايلتها مفرقة ... واحد في الشرق و الاخر في الغرب .... و تحبهم الكل و تحب تلمهم فرد كلمة ... بش يرممو دار العيلة أنا باهته فيكم وبرى .... كلكم أخوة و أصحاب و يجمعكم حب تونس ميمتكم الغالية .... كيفاش يعطيكم قلبكم و تفكيركم و تشوشطولها الكبيدة ....و تبعو في رؤساء الأحزاب الشياب الي عاشو وقتهم و يحبو يعيشو وقت غيرهم ... و يبيعو الدار الكبيرة الي لمتكم .....ما تبعوش العهر السياسي متاعهم .... و أرجعو للأصلكم و أحلامكم نرى في الشباب هايم و فادد و عاجز .... اللخ الخ فيقو وكونو يد وحدة .... وتذكرو الي إنتوما ممكن تكونو مصدر رعب و إنقلاب على كل المفاهيم السياسية و بي أيديكم تنجمو تصنعو نقطة التحول ...لو عرفتم قيمة وعيكم و قيمة عمركم و قيمة نفسكم و أخيرا ........ راني نستنى منكم في معجزة .... إنتوما تصنعوها ...و التحيا تونس حرة مستقرة أبد

الدهر

ا كيف أمي و خالتي و مامتي و و بنت عمي مرى تونسية مش متحزبة شنوى المشكل ؟؟ نهار فمة و نهار ما فماش ...

وكل واحد حر في حياتو

بش تقولولي نحلم

والي نطلب فيه شي مستحيل

نقولولكم ما نستعرفش بالمستحيل

• بنة الحومة
  
  

الشيخ العفريت - يا ربي حنيني

يا ناس هملت يا ناس هملت من صغري نحوس البرور في الغربة عديت ايامي حتى قابلتني للات البدور هي فني وهي غرامي يا ناس هملت وعملت الرحلة وسفرت للبلدان درت الصحراء بلاد القبلة مسكن العربان في طريقي قابلتني طفلة تشبه غصن البان *** متعدية وهازة القلة وهابطة للعين درت ثنية وجيت نقابله جات العين في العين قلتلها إسقيني يا لله آنا غريب عطشان *** قلتلها غريب عطشان بجاه ربي إسقيني جاي من بعيد عيان شربة منك تحييني سقتني الماء بزوز يديها و عيونها في الأرض بالحشمة ولآو خديها احمر من الورد تبسمت وبانو سنيها وشفايف مرجان *** شعرها لون الغراب وعيونها خطفولي قلبي الماء في فمي رجع شراب سكرت و كشفت لها بحبي كشفت لها بغرامي وحبي وآنا كالمجنون قلت لها ارحمني بربي في حبك ممكون حين شفتك خطفتلي قلبي وخليتني حيران *** خزرتلي بعين خطاف زادها حسن و لطافة هزت القلة على الاكتاف ولامتني بظرافة قاتلي مانيش افرنجية افتح عينك شوف كان تحبني و نيتك في هاو بابا معروف امشي اطلبو عليا يكرم الضيفان _________________________________________ البية لاموني في حبك النار في قلبي نحسوا جسمي فنا في غرامك ناسي وناسك يعسوا حرموا عليا كلامك واليا البية لاموني في حبك ذقت عسل قطار والبية كي حرموني من قربك ذقت كاس المرار ويا البية كيف لاموني وقت اللي شافوا أوصافك صاروا يعذروني حلفوا ما ناخذش خلافك فرحوا وتهنوا ... صاروا يتمنوا باش نحوزك في الدار من اليوم اللي تباعدنا ما ذقت النوم في الليالي ندعوا اللي فارقنا نطلب حقي من العالي ويا البية كيف حرموني حرم عليا الطعام من قربك منعوني ومنعوا من عيني المنام في الليل سهران... في النهار حيران نحس في قلبي النار يا غزالي أنا مريض في حال اسقيني دوا من كاسك نبرى ونسرحوا في لجبال نسلموا في ناسي وناسك نتركوا ناسي وناسك نمشوا نهجوا من البلاد وحدنا راسي راسك ونبعدوا على العباد لا من يلومنا... لا من يحكمنا نعيشوا لثنين حرار نعيشوا في حرية ونخلصوا من العذاب أنا ليك وانت ليا اللي ما يحبش يمشي يغضاب بعد ما يلوموا يوليوا يروموا يرضوا بللي صار