Publié le 9 Octobre 2012
أنا خبزيست و مانيش بش نتحزب هاني نتبع في الأحداث و التفرقة الي نرى فيها كل يوم تزيد نحس في روحي كي الجدة ... الي ترى في عايلتها مفرقة ... واحد في الشرق و الاخر في الغرب .... و تحبهم الكل و تحب تلمهم فرد كلمة ... بش يرممو دار العيلة أنا باهته فيكم وبرى .... كلكم أخوة و أصحاب و يجمعكم حب تونس ميمتكم الغالية .... كيفاش يعطيكم قلبكم و تفكيركم و تشوشطولها الكبيدة ....و تبعو في رؤساء الأحزاب الشياب الي عاشو وقتهم و يحبو يعيشو وقت غيرهم ... و يبيعو الدار الكبيرة الي لمتكم .....ما تبعوش العهر السياسي متاعهم .... و أرجعو للأصلكم و أحلامكم نرى في الشباب هايم و فادد و عاجز .... اللخ الخ فيقو وكونو يد وحدة .... وتذكرو الي إنتوما ممكن تكونو مصدر رعب و إنقلاب على كل المفاهيم السياسية و بي أيديكم تنجمو تصنعو نقطة التحول ...لو عرفتم قيمة وعيكم و قيمة عمركم و قيمة نفسكم و أخيرا ........ راني نستنى منكم في معجزة .... إنتوما تصنعوها ...و التحيا تونس حرة مستقرة أبد
الدهر
ا كيف أمي و خالتي و مامتي و و بنت عمي مرى تونسية مش متحزبة شنوى المشكل ؟؟ نهار فمة و نهار ما فماش ...
وكل واحد حر في حياتو
بش تقولولي نحلم
والي نطلب فيه شي مستحيل
نقولولكم ما نستعرفش بالمستحيل
- بنة الحومة
الشعب الخبزيست يتألم في صمت .. وكيما قالت التومية "أتألم و لا أتكلم" ههههه الثورة الحقيقية فعل ما يوفاش لكن الشعب اتكى على جنب و سكت و حط ثيقتو في عصابة نتع تجار دين على كمشة حثالة و انتهازيين على شوية شياب مازلت كي نفضت الغبار متع حكة الأرشيف و قعد كي المستني العسل من الدبانة
RépondreSupprimerهذا كلامي البقارح واليوم وغدوة
Supprimer